kleopatra
بنوته شاطوره
عدد الرسائل : 44
تاريخ التسجيل : 10/11/2007
 | موضوع: حوار داخل غرفة عمليات  17/11/07, 01:36 am | |
| كلمات و جمل ماتزعلش حد ، إلا لو سمعتها من دكتور و انت فى أوضة العمليات
- يالهوى!
- هيييييه النور جه!
- طيب اذا كان ده البنكرياس ، أمال اللى طلعناه ده يبقى
ايه؟
- حد شاف الدبله بتاعتى؟
- طب أقوله ايه لما يفوق؟ و زعلان انى سقطتك 3 مرات فى الماجستير!
- إلحق يابنى القطه اللى جريت بالعضمه دى ، خلينا نرجعها للراجل من سكات!
- ياما ربنا بيخلق عجايب ، ماحدش معاه كاميرا يا اخوننا؟
- ولا حركه ماحدش يخيط ، أنا مش لاقى الكونتاكت لنسز بتاعتى!
- ياجماعه تعرفوا إذا كان حد عاش بعد ما خد 500 مللى من الهباب ده؟
- شيل ايدك ، الحاله دى بتاعتى أنا ، ولا هى الكحكه فى إيد اليتيم عجبه؟
- آه ياعينى! والله مانا سايبك!
- حد يسكت الزفت اللى بيدق ده ، مش مخلينى عارف أركز!
- لأ حاشتغل ، أنا صحيح نسيتها ، بس يعنى باعرف اشوف طشاش من غيرها
ياأخى سيبك من دلع الخواجات ده، المشرط مش تلم ولا حاجه!
- أنا مش عارف ده ايه بالضبط، بس حطه فى التلج و هات لنا واحد بتاع جراحه أوعيه بسرعه!
- ياللآ يابنى خلص ، الماتش هايبتدى بعد ربع ساعه!
- إنت متأكد إن الحاله عارفه ان شكلها حيبقى كده بعد العمليه؟
- ريحة شياط؟ ...حريقه......حريقه....!!
- سدوا مناخيركوا، خلاص حاتتفقع!!
- طيب ده شريان ، وده وريد ، وده عصب ، أمال ده يطلع ايه؟ حبل غسيل؟
- مسمار بلاتين مين يابه، شوف له أى مسمار من الوكاله ، عياله أولى!
- ياراجل توكل على الله ، ماهى الأرضيه برضه معقمه!
- عقمى السباك و دخليه بسرعه ، النيله ده بيخر!
- يابت مش وقته ، العيان قرب يفوق!!
- الله يخرب بيتك ، ده عصب يابنى مش أستك بتاع نبله!!
- يووووه ، روحى وانتى طالق!!
- يامامى، دم؟
- اطلب البت بتاعة الحسابات خليها تدفع أهله قبل ما يعرفوا !!
- هوه فيه عصفوره برتقانى واقفه على الروب ولا دى تهيؤات بسبب سهرة امبارح؟
- هو كل واحد يسافر له شهرين بره يرجع يقول لى طلع القطط من أوضة العمليات؟
- متخدر؟ خلينا نتفق على النسبه وما تحاولش تغير الموضوع ، يعنى هو هايهرب!
- لأ ياست الحكيمات ، مش أول مره أعمل النوع ده من العمليات ، ليه بقى السؤال ده؟
:lol!:
| |
|
admin
MoHy
عدد الرسائل : 269
العمر : 40
العمل/الترفيه : اداره
تاريخ التسجيل : 03/11/2007
| |
kleopatra
بنوته شاطوره
عدد الرسائل : 44
تاريخ التسجيل : 10/11/2007
| | موضوع: رد: حوار داخل غرفة عمليات 20/11/07, 01:29 am | |
| هههههههههه ....وخاص كمان لو امكن.....على اساس انه ممكن يشغلوا فيه خريجى هندسة او جغرافيا | |
|
admin
MoHy
عدد الرسائل : 269
العمر : 40
العمل/الترفيه : اداره
تاريخ التسجيل : 03/11/2007
| | موضوع: رد: حوار داخل غرفة عمليات 21/11/07, 02:14 am | |
| | |
|
كليوبترا
بنوته مشرفه
عدد الرسائل : 212
العمر : 39
العمل/الترفيه : ربة منزل
تاريخ التسجيل : 20/11/2007
| | موضوع: رد: حوار داخل غرفة عمليات 18/01/08, 11:00 am | |
| عندك حق يا موهى
موضوعك جميل يا كيلو لا دة اكتر من جميل ربنا يرحمنا وما نتحطش فى المواقف دى لحسن الواحد مش عارف يعمل اية ساعتها
ههههههههههههه
تقبلى تحياتى | |
|
